Gieh roff off dat Häisje

(Dat Collishäisje)

En Zell get et Fasenacht, Wain un en Katz,
un die Musel un Mädscha su schien,
doch dat es all neist gähn dä griesde Schatz,
dä homma ganz doa owe stiehn;
doch wie dat su es met Schätzja lorimm,
dat dronnkumme es meistens schwer,
zo demm häi mosde de Bärjeroff giehn,
durch die Zeller oder Corria Kehr.

Mir honn dat Collishäisje offm Berch,
doa stieht et schien und bequem.
Et ist zwar nit griesa wie en grießere Zwerch,
un get doch von jedem gesehn;
un bes de mol trourich un net got gelount,
dann weiß ich en got Medizin:

REFRAIN
Gie roff off dat Häisje un erunner gestount,
denn Zell ist von owe su schien
Dat einzije wat osa Häisje noch brouch,
es en Mann, dä et häi unne vatritt.
denn sos stieht et eines Dachs doch noch off em Schlouch,
un se boue lo owe en Fabrik;
dat mos jemand säin, ne ze klan, net ze gruß,
mia honn do schunn jemand em Au,
dä es noch genau wie dat Häisje en Schuss,
heißt Pidda, es Chef häi, miau.

REFRAIN Gie roff off dat Häisje un erunner gestount,
denn Zell ist von owe su schien